ЕДУКАТИВНИ АКТИВНОСТИ

Покрај производството на пчелен генетски материјал АПИЦЕНТАР организира и спроведува теоретско-практични обуки и проекти. Досега се подготвени и реализирани 10-на едукативни проекти од краткорочен (1 месец) и долгорочен (1 година) карактер.

На оваа проблематика центарот соработува и со домашни и меѓународни експерти од областа на пчеларството. Во соработка со споменатите експерти спроведени се голем број на обуки (над 120) на следниве теми:

• Започнување со одгледување медоносни пчели

• Преглед и работа со пчелните семејства

• Селекција на медоносните пчели

• Производство на матици

• Употреба на рамка градежник

• Добра пчеларска пракса

• Органско пчеларење

• Анатомија и физиологија на медоносните пчели

• Раси на медоносни пчели во светот

• Матична евиденција во пчеларството

• Финансиска евиденција во пчеларството

• Борба против Varroa Destructor со употреба на оксална киселина и рамка градежник

• Болести кај медоносните пчели

• Медоносна паша

• Селидбено пчеларење

• Пролетен развој на пчелните семејства

• Зазимување и зимување на пчелните семејства

• Менаџмент во пчеларството и др.

Центарот соработува со трите биотехнолошки факултети од државата (Факултет за земјоделски науки и храна - Скопје, Факултет за ветеринарсна медицина - Скопје и Биотхнологоја - Битола) во однос на одржување на практичните вежби во пчеларникот. Досега (за 4 години) едуцирани се повеќе од 250 студенти од споменатите факултети.

Големо внимание во центарот се посветува и на едукацијата на одгледувачите на пчели од пчеларските здруженија. Така, редовно секоја година во зимскиот период се одржуваат голем број на теоретски предавања низ републиката.

Дополнително, во пчеларската сезона се одржуваат и практични обуки во пчеларникот. На барање на клиентите АПИЦЕНТАР организира и индивидуални обуки.

Предавањето надвор од границите на Република Македонија (Србија, Бугарија, Хрватска, Германија, Ирска и др.) е редовна активност на центарот.