НОЕМВРИ

Активностите на одгледувачот на пчели во текот на месец октомври се сведуваат на неделни посети и контроли на пчеларникот. Покрај посетите потребно е да се :

• извадат хранилките и да се заменат со затоплувачки материјал (најдобро со дневни весници) со висока хигроскопност;

• направи брз информативен преглед (доколку температурата е над 12-14 C⁰) на пчелните семејства со цел да се утврди количината на храна и евентуално, доколку има потреба, да се додадат рамки мед;

• исчисти пчеларникот и подготви за евентуално садење на медоносни растенија;

• посее есенската маслодајна репка (Перко);

• поради опасност од ниски температури да се тргне поилката.

Дополнително, одгледувачот на пчели потребно е одредени активности да преземе и во однос на работата во пчеларската работилница и тоа пред се во подготовка на рамки и санирање на оштетените тела од кошницата.

Разгледувањето на пчеларската литература и посетата на предавањата во пчеларските здруженија најинтензивно треба да се практикува во наредниот период.